韓國通渠貼紙PongTu——「貼廁泵」使用說明

《喺你買「貼廁泵」之前》可以先睇下以下內容⋯⋯

終於有機會正正經經咁介紹呢隻韓國通渠貼紙……

韓國通渠貼紙我都知我地寫啲野係好唔正經,所以呢一篇會盡量認真咁去講解呢個韓國通渠貼紙既用法同優點……

……同時間會解答大家心裡面嘅疑問,例如:「會唔會用用下爆開爆到一廁所都係啦?

都會一一解答!

 

解答大家嘅問題之前,容許我好懶惰咁LIST晒呢個「貼廁泵」嘅來頭先:

  • 韓國製造
  • 韓國專利產品
  • 專為「廁所塞左」呢個問題而設
  • 喺韓國拎咗NNN過奬

 

使用方法:(嗱!跟足程序吖吓!咪陣間通唔到又嬲豬呀!)

  1. 貼廁泵→先喺度買pack「貼廁泵」←
  2. 整塞(自己或人地)個廁所
  3. 驚惶失措一陣
  4. 拎塊「貼廁泵」出嚟打開個包裝
  5. 先用清潔劑(例如藍威寶)抹一抹確保冇油
  6. 再抹乾(可用風筒吹以確保100%夠乾,尤其是潮南天)
  7. 攞塊「貼廁泵」度啱個位,啲邊位一定要平均
  8. 先搣開頂部(平嗰邊)嘅雙面膠紙
  9. 黐落個廁所度,並確保所有膠紙完全黐實,再黐埋其餘部份(記住啲邊位一定要平均)
  10. 然後沖廁
  11. 當中間部份嘅膠紙被裏面嘅氣壓頂起,你就可以用力壓返落去
  12. 每當佢再頂起嘅時侯,你先至再將佢壓返落去,直至佢唔再頂起,就代表已經通左

 

→未買可以點擊呢度買←

 

咁佢有有啲咩優點呢?

  1. 一個字—— 方便快捷乾淨企理
  2. 通渠價錢過你俾錢人幫你通好多好多
  3. 唔使下下都搵通渠佬海鮮價之餘又未必一定幫你通到條渠而最衰佢又唔係即call即到。
  4. 唔使比陌生人入屋,唔怕整污糟啲地方
  5. 比起廁所泵個力度大好多
  6. 女仔都可以不沾污雙手地通到條渠

 

講完優點,梗係要講下啲缺點啦:

唔唔唔唔⋯⋯

暫時未諗到,諗到話你知。(認真)

我喺網上面見到都有部份嘅人對呢個韓國通渠貼紙有唔少疑問,喺呢度我哋會逐一解答:

 

第1問:「擔心張貼紙唔穩陣,會用用下爆開,到時啲屎爆到周圍都係,仲衰過冇用。」

解答:冇可能發生!

只要你每條邊都平均地貼好,咁一定唔會發生呢個情況。

除非你沖廁嘅時候,沖出嚟嘅係刀片啊或者有啲尖銳嘅物件(咁外國真係有啲人會食刀片啊食鐵啊㗎麻,咁痾出嚟都係刀片同鐵都冇計㗎喎)。

 

第2問:「會唔會有情況係,就算用咗呢個貼廁泵,都泵唔走啲淤塞物,搞到進退兩難,到時咪又係要搵返通渠佬?」

解答:絕對有可能發生!

譬如如果你係倒左啲石屎落去(或者係同LEVEL嘅淤塞物),信我,一定泵唔走!

不過如果真係遇到呢啲情況,通渠佬都幫你唔到,搵個工程佬幫你拆咗個廁所穩陣!

 

第3問:「唓~我呢世人都未試過塞咗個廁所,呢啲嘢使鬼買咩,嚇我唔到嘅!」

解答:天啊!世事都給你看透!

有啲人係真係一世都未試過整塞個廁所!呢啲人係真係唔使買嘅!

不過,唔知點解,每個人身邊總有幾個朋友成日整塞咗個廁所,呢個Moment,就係你展現愛與關懷嘅時間啦

尤其是我哋包裝咁靚,送禮自用都適宜!

 

解答到你嘅問題嗎?

通渠解答到唔緊要,你可以係下面留言,話比我哋知你有啲咩疑問,基本上你有咩問題我哋都會好認真咁解答。

你嘅問題,就係我哋嘅問題!

你嘅廁所塞咗,即係我哋嘅廁所都塞咗!

還有,俾我哋選上的精警問題,會不斷更新係上面嘅問答部份。

期待你嘅問題哦~

《可以㩒入去呢度買「貼廁泵」》

 

korgearsforlife@gmail.com

2 thoughts on “韓國通渠貼紙PongTu——「貼廁泵」使用說明

  1. C Wong says:

    我的廁所塞咗,之前試過用手泵都通到,但今次用盡力都唔work,本來諗住投降揾人嚟攪,但上網見到有呢隻韓國通渠貼,覺得好神奇,於是買來試試,結果真喺通到。掂!

Comments are closed.