作為一個受大家愛戴嘅購物網站,我地唔希望出動希特拉先搵到客戶服務員,但佢地都要食飯瞓覺,所以特別呈獻常見問題,請咁多位睇睇,都仲搵唔到個答案就扔個西瓜落泳池,食左佢,再 Email cs@korgearsforlife.com 俾我地。

常見問題

感謝你既有禮貌又友善嘅提問。

我地而家選用順豐速運,正常情況下,訂單得到確認後兩至三個工作天內,貨物將會送到府上。

如果三天後貨物仍未送到,通常有兩個原因﹕

  • 速運有所延誤,你可以根據參考編號,向順豐查詢送貨狀況。
  • 唔排除我地故意要你期待已購貨品多幾日,你可以與客戶服務員聯絡查詢詳情。

我地深深明白呢個世界問題天天都多,如果屬客戶人為原因導致產品損毀或無法正常地使用,抱歉,我地只能為你祈禱貨品會自動復原或搵我地買多個(有專人親身示範使人方法)係米好貼心先。

如果在送貨期間,貨品已經損毀或開箱後已經無法正常使用,請立即與客戶服務員聯絡。

感謝你既有禮貌又友善嘅提問。

抱歉,我地貨品暫未有保養服務。由於大部份貨品均為韓國製造,只要正確使用,可能貨品未壞你已經想買多個新款式或新顏色。

其實好多產品售價已經好平,同埋講錢傷感情,所以而家只要購物滿港幣500元,我地就即時提供免費送貨。

有關特別推廣或季節性減價,請密切留意網站或 Facebook最新消息。

感謝你既有禮貌又友善嘅提問。

我地絕大部份貨品均為韓國製造,有信心保證。

如果你發現產品真係會爆炸,相信係為我地為你營做嘅特別效果

假若咁都炸你唔死,歡迎與客戶服務員聯絡查詢詳情。

其實我地生活係一個甘多姿多彩嘅城市,應該接受多D新事物,顏色唔岩我建議你買多個解決問題。

訂單一經確定,就不能作出修改。如果你想先睇貨品實物同顏色,建議你到九龍灣陳列室。

如有問題,可與客戶服務員聯絡。

抱歉,由於八達通過分普遍,而且地鐵年年加價,我地並不接受八達通付款,現階段只接受信用卡、PayPal及銀行入數形式付款。

如果你冇信用卡,可以選擇銀行入數形式付款,完成後將入數紙 cs@korgearsforlife.com,並註明訂單編號以資識別。

現階段我地無需顧客註冊成會員已可進行購物,但為保持服務質素,於確定訂單時你需要輸入正確嘅基本資料。

因為我地都要安排送貨,如果你俾左錢又唔留低資料,我地只好代你接受產品。

如果你唔嫌棄,當我地有新貨或推廣時亦會通知你,令你購物愉快!

由於本公司有部分同事長期受壓神經緊張,為免刺激佢地,強烈建議你唔好上黎。

如果你唔介意、又或者有特別訴求,歡迎先與客戶服務員聯絡。

作為一間實力雄厚的公司,我地緊係唔會有一個地方擺哂D PRODUCT出嚟,你估租平咩!!!

大家可以透過相片文字描述加上香港人毒有嘅FF能力,好3D甘幻想件實物出嚟。

暫時沒有這個打算。

我們已經為各位精挑細選各種優質韓國產品,所有貨品均由廠商直接出貨,我地都諗唔到有乜方法可以更原汁原味程現韓風!