商店介紹

cropped-Korgears-01.png

 

KorGears For Life 全名好似係 Korean Gears For Life,成立的目的明顯係要賺錢,我地唔係7X9或HXXV MALL,我地冇3千萬賣地鐵廣告,所以就算你住邊區都唔會有分別。我地只有4對手,都係普通人一個,你可以對產品有好高要求(我們的產品正符合此類 型),但對我地的要求可以略為調整。

韓國最出名的係娛樂事業,直捲到連阿媽級都追 (我們其中一個拍檔的娘親係李敏稿超級粉絲,有Facebook Account只係因為想追佢專頁)。原來韓國的科技及設計亦漸走向頂級之列 (可不是整容技術),這不是我們說了就算,自己親身感受一下!

說回網店,最大的問題係你冇得摸,你冇得試,賣俾你的商家又唔知係乜野人,如果走佬你連揾鎚仔打爆玻璃的機會都冇……

那我們有什麼值得你冒一冒險呢?

我地好想做到有乜唔滿意就全數原銀奉還,但我地真係小本經營,你知啦我地4個創辦人又要拍拖,又要交租,仲要每月儲3000買樓,所以我地賺的空間有限。

但係,我地堅持你用的產品一定要啱你用,你又要用得舒服開心……

<口裏說不,行為卻很誠實>

所以如果達唔到以上要求,我地會原銀奉還 (顧客正常的期待,為何說成好似我們獨創><)……

仲有一樣野,盡可能我地都想聽到你電話 (我地都好憎聽到 「歡迎致電……XXX部門請按 “1″…XXX請按"2″…..」心裏不停講粗口…我只係想揾人解決問題),聽到你的意見,請容許我們現階段只能用廣東話及英文對答。

 

商店人物

宣傳及推廣部主管 – 留白

真正嘅宣傳同推廣係要俾全世界知道我地有幾強勢,而我深信要做到呢點就應該要凡事留白,有頭無尾,似有還無,誘發大家腦海裡無限想像空間。實情係有d野做左而你又不知不覺間睇到,咁至係高招嘛。

物流部主管 – 黑面

黑面係我人生態度,亦係我工作態度。辦事效率奇高,因為只要全神貫注、黑起塊面嘅時侯,世上任何人任何事都阻我唔到。如果送錯貨或者遲收貨,唔好問我點解,請你搵紅牛。冇咩要事最好唔好見我,除非你好鍾意食炒黑面。

客戶服務部主管 – 紅牛

由於需要接近24小時回應大家嘅查詢,故不幸串上職業性渴睡症,現靠每日飲一罐紅牛治療,因而得名。如果有一日你嘅查詢暫時得唔到即時回應,唔洗擔心,佢應該仲未死,可能只係太攰瞓著左,或終於拍緊拖,我只係一條毒L。

行政部主管 – 藍牙

軀體經常不在公司,要好似藍牙咁無線遙遠控制整個大局。為人崇尚冷血管治,而且酷愛使用行行行行行政手段。好少人見過佢大笑,所以有理由懷疑佢棚牙都係藍色嘅。

送運政策

(帶定頭盔系列)

雖然已經有晒T&C,但我地都想解釋多少少!

大部分的網店都告訴你,他們能多快把商品送給你。但沒有人告訴你,其實是你付錢加快送貨速度的。

因為我們深信,再快的運輸速度也不能讓你在去廁所時下單後三分鐘内,把你要買的野送達廁所門口。(個比喻係咪好深??)

所以,對送貨速度不要有太高的期望。當你唔再有期望,自然唔會太失望。

原則上我們還是努力的希望在2-3個工作天内把你訂購的商品送達。

不過,我們實在不願意為了滿足你的購物快感,讓成本大幅增加。

記住我地只係幾個毒L,平時對芒多個對人,所以手腳協調係比較慢的,你越催,我越緊張,就運得越慢。

客戶服務政策

「唔好嬲啦」

首先,感謝各位對我們的厚愛,讓我們這個只有幾個人營運的網站這麼受到大家的歡迎!

但真的,這些對我們來說,只是虛榮,就好似李生的富貴於我們如浮雲一樣,我們始終是隨興又隨便的購物網站:我們一向不避諱的告訴大家,我們就是這樣!
自從開業以來,有顧客對我們的行事風格不甚了解,對商品、對回覆、對退貨流程和對客戶服務同事充滿不諒解。

看到某些言詞憤怒的投訴,無論合理不合理,我們也只能「深呼吸」一口氣後「忍」,再耐心的回答各位客人。

其實,大部分的客人對我們也是很友善的。遇到貨物有問題,位置對調的話我地都會好嬲。

我們相信最好的客戶服務,就是和客人站在同一陣線,一起面對問題、解決問題,只有相互了解,才能加快速度解決問題。

請打從心底了解、接受和體諒我們後再落單;落單之後,我們就是坐埋一條船,Friend左,該服務的我們責無旁貸,不會死而後矣,但會盡心用力。

最後,我們就用「唔好嬲啦」客戶服務政策 的最後一句來做結尾:我們真誠的相信,客戶服務的領域,是應該要用心,我地都唔鍾意俾人hea,如果冒犯到你,真心想同你講句「唔好嬲啦」。

歡迎客戶的建議,不管是好的、壞的,我們都願意傾聽(聽左唔一定會改><),唯一的要求就是:請不要問候我們最親最愛的人。